Author: Nic Dafis

7pm nos Sadwrn 6ed mis Medi, yng Nghaffi Emlyn, Tan-y-groes

Buddugwyr Eisteddfod Wrecsam 

Bydd croeso cynnes i bawb mewn noson i ddathlu buddugwyr cystadlaethau ysgrifennu Eisteddfod Wrecsam. Mae’r noson yn cael ei threfnu gan Gymdeithas Ceredigion. Dyna noson gyntaf eu rhaglen amrywiol a difyr. Mae’r noson i drafod gwaith sy wedi ennill yn yr Eisteddfod Genedlaethol yn boblogaidd bob blwyddyn, felly dewch yn gynnar i fachu’ch sedd, ac aros yn hwyr i gymdeithasu dros banad! 

Bydd y noson yn dechrau am 7pm nos Sadwrn 6ed mis Medi, yng Nghaffi Emlyn, Tan-y-groes, gyda’r Prifardd Tudur Dylan yn cadeirio. Bydd rhai o’r llenorion buddugol yn bresennol i gyfrannu at y trafod, gan gynnwys Owain Rhys, a enillodd y Goron. 

Pris y tocyn (i’w brynu wrth y drws) yw £10, sy’n cynnwys aelodaeth am y flwyddyn er mwyn mynychu’r 8 cyfarfod rhwng mis Medi a mis Ebrill. 

Dyma gyfle i ddod i grŵp sy’n gwneud popeth yn Gymraeg. ac mae’n rhoi croeso arbennig i bobl sy’n dysgu Cymraeg. Mae llawer o siaradwyr newydd, sef pobl sy wedi dysgu Cymraeg yn ail iaith, yn y grŵp. 

Yn ystod y flwyddyn, bydd digwyddiadau llenyddol, cerddorol a sgyrsiau am hanes – yn ogystal â bwyd da mewn sawl un o’r cyfarfodydd. Maen nhw fel arfer yng Nghaffi Emlyn, Tan-y-groes ar nosweithiau Gwener, ond ddim bob tro. Eleni, bydd sesiwn ‘Sut i ddofi corryn… Holi’r bardd a’r llenor Mari George’ 3ydd mis Hydref, a’r hanesydd poblogaidd Hedd Ladd-Lewis yn siarad am Ryfel y Degwm 7fed mis Tachwedd. Cynhelir ein Cinio Nadolig gyda rhai o ddosbarth telyn Meinir Heulyn yn rhoi’r adloniant. 

Ar ddechrau’r flwyddyn newydd, gwasanaeth Plygain yng Nghapel Blaenannerch yw noson arall i edrych ymlaen ati, gyda lluniaeth ysgafn i ddilyn. Ym mis Chwefror, bydd noson o glywed straeon am bethau dwys a doniol yn hanes Cymdeithas Ceredigion, ac wedyn i ddathlu Gŵyl Dewi, cynhelir noson ‘Cawl a Cherddi’, gydag Eisteddfod y Gymdeithas, sy wastad yn noson hwyliog iawn. Mae’r cystadlaethau amrywiol (barddoniaeth a rhyddiaith, dwys a digri) yn agored i bawb ac mae cystadleuaeth arbennig i ddysgwyr. Castell Aberteifi yw lleoliad cyfarfod olaf y flwyddyn ym mis Ebrill, gyda sgwrs gan Non Davies am gysylltiad y Castell â’r Eisteddfod Genedlaethol, a chinio i ddilyn ym Mwyty 1176.

Mae croeso cynnes i bawb bob tro. Am ragor o fanylion cysylltwch â dbroberts@btinternet.com neu philippa.gibson@gmail.com  07787 197630

Y cyfarfodydd i’w cynnal yng Nghaffi Emlyn, Tan-y-groes oni nodir yn wahanol. Sylwch fod y rhan fwyaf ohonynt bellach ar nos Wener.

Am y newyddion diweddaraf o’r Gymdeithas, gwiriwch eu tudalen Facebook.

Nos Sadwrn, 7 Medi 2024 am 7:00
Trafod Cyfansoddiadau Eisteddfod Genedlaethol Rhondda Cynon Taf yng nghwmni’r prif enillwyr
Cadeirydd: Y Prifardd Tudur Dylan

Nos Wener, 4 Hydref 2024 am 7:30
Jo Heyde – Cân y Croesi (Bardd y Mis Radio Cymru, Gorffennaf 2024)

Nos Wener, 1 Tachwedd am 7:30
Carwyn Graves – Tir: ein tirwedd diwylliannol

Nos Wener, 7 Rhagfyr am 7:00
Cinio Nadolig
Gydag adloniant

2025

Nos Sul, 12 Ionawr 2025 am 7.00
Gwasanaeth y Plygain, Capel Blaenannerch

Nos Wener, 7 Chwefror am 7:30
Emyr Llywelyn, Carol Davies ac Owenna Davies: Noson i ddathlu hiwmor Emyr Pen-rhiw a’r diweddar Dai Rees Davies

Nos Wener, 7 Mawrth am 7:00
Cawl ac Eisteddfod Gŵyl Dewi
Beirniad: y Prifardd Gwenallt Llwyd Ifan

Nos Wener, 4 Ebrill am 7:30
Alis Hawkins – Pechodau’r Gorffennol: ffuglen drosedd hanesyddol

Nos Wener, 2 Mai am 7:00
Cyfarfod Blynyddol a Swper y Gymdeithas

Mis Mehefin
Taith y Gymdeithas (y manylion i ddilyn)